هـــلاا واللـه شخبـــــــاركم شلونكــــم ؟؟ أحمر والا أخضر << خخخخ . .

يـــالله أنك تحييني ثم تحييهـــم >> نذااااالـه . . !

اليوم حبيت ألطش كم كلمتن مشفرهـ  يعني تقدرون تسمونــه مصطلحاات كم وورد عربجيه وأعلمكم معانيها ا

عشاان لو أحد سبكم بهالكلااام مهوب تغدون كنكم اللي مدري وش اسمه <<      أيه أيه هذاا اللي ببالي هع !

يللا نبدااا . . :

الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله .

من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية

عشان يعرف من وين التنسيم . .

السلنتح : قليل الأدب ... فقط لا غير<< يــــاكثرهم .

جحلط : ( بتشديد اللام ) : وهم مرحلة متقدمة للسلنتح .

الصتيمة : وهو الشخص اللي ما عنده ما عند جدتي ... ويصدق أي شيء يقال له .

الفاهي (المفهي) : هذا الله يخلف مهما تقول له أو تصارخ عليه تلقاه فاتح ثمه و بس ... و إذا كلف

عمره و تفاعل معك رد عليك و قالك : هاااه ...!!!

العربجي : يظن معظم الناس أن العربجي هو الشخص الشديد !!! حق المشاكل و اللي ما يمشي إلا

وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة  

و لا بس نعال زبيرية و يسحبها تسحيب لين جاء يمشي !!! و دايم فاتح صدره و رازه على فوق و كانك

ولد أبوك قله شيء بس!!! ... لكن في الآونه الأخيرة ظهرت إشاعات تقول بأن العربجي هو اللي

يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها

عليهم أحد الخكاريه والقصد منها تشويه السمعه ( الله من زين السمعه )

المرجوج: هذا ما عمره صلح شيء صح في حياته ما يمديك تفتح ثمك إلا و طار في العجة بدون ما

يفهم وش السالفة !!! و الارتجاج الحاصل له يختلف تماما عن مشكلة المسبة أو المسبوة حيث يكون

الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي

شيء فيه ماده سائله لازم يكبها ( أي يسكبها ) برجله وهو مايدري !!! ولا تخليه يمر بجنبك وانت

معك صينية فيها بيالات لأنه لازم يصقعها بيده أو بكتفه ..!! وأخيرا ً.. لاتخليه يصب قهوة للضيوف لأنه

لازم يكب القهوة على ثوب واحد منهم !!‎

القعيطي : هو الشخص البخيل للغاية و يسمى أحيانا الجلدة و قد نشأت القعيطية على يد القعيطي

 الأكبر قاعط قعطة المقعط و تبنى نهجه بعده تلميذه تأبط قعطا ًو قد سمي بذلك لأنه كان يخبئ أمواله

 في إبطه و يقعط عليها بكل حــزم و شــدة ...

السربوت : هذا اللي ما يخلي مكان ما يروح له و قد كان الأولين يطلقون لقب السربوت على من

يشرب الدخان ... لكن الحين الله يخلف الناس تدخن بيدينها و رجلينها و لا أحد يقول لهم شيء .

مهايطي : يعني من النوع اللي كلامه أكبر من حجمه .<=== ياكثرهم كثراااه

صدر و هبال .

المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و

التطنيش .

الخكري : ببساطة ... الخكري = نعومة + دلع + ليونة ( عيال النيدو )!!!

وبس خلصنـــا وان كاان عندكم بعد كلماااتن مشفرهـ لاتبخلون علينـــا عشااان نسوي أكبر معجم هينــــــــا  هع هع هع !!

بس هاه حركات النذاله و نص الكم تقولون هالحتسي عند امهاتكم وتعلمون من وين تعلمتوهـ انتبهو . !